தேர்தல் புறக்கணிப்பு: வைகோவுக்கு ஜெயலலிதா கடிதம்; ம.தி.மு.க. முடிவு வருத்தம் அளிக்கிறது
சென்னை, மார்ச். 20-
அ.தி.மு.க. பொதுச் செயலாளர் ஜெயலலிதா ம.தி.மு.க. பொதுச் செயலாளர் வைகோவுக்கு அனுப்பியுள்ள கடிதத்தில் கூறி இருப்பதாவது:-
அ.தி.மு.க. தலைமையிலான கூட்டணியில் தங்கள் தலைமையிலான ம.தி.மு.க. 2006-ம் ஆண்டு முதலே அங்கம் வகித்து வருகிறது. நடைபெற இருக்கின்ற 2011 தமிழ்நாடு சட்டமன்றப் பேரவை பொதுத் தேர்தலில் நிலவுகின்ற அரசியல் சூழ் நிலைகளையும், அ.தி.மு.க. வின் தலைமையிலான கூட்டணியில் பல கட்சிகள் இடம் பெற்றிருப்பதையும் முதிர்ந்த அரசியல்வாதியான தாங்கள் நன்கு அறிவீர்கள்.
இந்தச் சூழ்நிலையில், வருகின்ற சட்டமன்ற பொதுத்தேர்தலில் தாங்கள் கேட்டுக் கொண்டபடி 21 சட்டமன்றத் தொகுதிகள் ஒதுக்க முடியாத சூழ்நிலை உள்ளது என்பதையும், தங்கள் கட்சிக்கு 12 சட்டமன்ற தொகுதிகள் ஒதுக்கித் தருகிறேன் என்பதையும் கழக பொருளாளர் ஓ.பன்னீர்செல்வம் மற்றும் கழக தலைமை நிலையச் செயலாளர் கே.ஏ.செங்கோட்டையன் ஆகியோர் மூலம் தகவல் சொல்லி அனுப்பி இருந்தேன்.
அவர்களும் தங்களை நேரில் சந்தித்து இதைத் தெரிவித்தார்கள். இருப்பினும், ம.தி.மு.க. தேர்தலை புறக்கணிக்கும் என்று தாங்கள் அறிவித்து இருப்பது எனக்கு மிகுந்த மன வருத்தத்தை அளிக்கிறது. தங்கள் கட்சியின் நிலைப்பாடு குறித்து முடிவு எடுக்கும் உரிமை தங்களுக்கு உள்ளது. தங்களுடைய முடிவு எப்படி இருந்தாலும், உங்களுடைய அன்புச் சகோதரியின் நன்மதிப்பும், அன்பும் உங்கள் மீது எப்போதும் இருக்கும்.
இவ்வாறு அந்த கடிதத்தில் ஜெயலலிதா கூறியுள்ளார்.
Chennai (Madras) Time
0 comments:
Post a Comment
உங்கள் மேலான கருத்துகளை இங்கு பதியுங்கள். பதிவின் கருவுக்குத் தொடர்பில்லாதவை, தனிநபர் தாக்குதல், அநாகரிகப் பின்னூட்டங்கள் அறிவிப்பின்றி நீக்கப்படும்.
வாசகர்களின் கருத்துக்கு அதிரை தமுமுக எவ்வகையிலும் பொறுப்பாகாது.