சைக்கிள், மாட்டு வண்டிகளையும்சோதனையிட தேர்தல் கமிஷன் உத்தரவு

விருதுநகர்:வாக்காளர்களுக்கு பணம் கொடுப்பதை கட்டுப்படுத்த வாகன சோதனையின் போது சைக்கிள், மாட்டு வண்டிகளையும் சோதனையிட தேர்தல் கமிஷன் உத்தரவிட்டுள்ளது.பணப்பட்டுவாடாவை தவிர்க்க வாகன சோதனை நடத்தப்பட்டு வருகின்றன. பல இடங்களில் வாகனங்களில் கொண்டு செல்லப்பட்ட பணம், பொருள்கள் பறிமுதல் செய்யப்பட்டு வருகின்றன. ஆம்புலன்ஸ்களில் சோதனை நடத்தக்கூடாது. சந்தேகம் ஏற்பட்டால் அதை நிறுத்தச் சொல்லி அந்த வாகனம் நிறுத்தப்பட்டவுடன் சோதனை நடத்தலாம் என தெரிவிக்கப்பட்டுள்ளது. சைக்கிள், மாட்டு வண்டிகளில் பணம், பொருள்களை எடுத்து சென்று வினியோகிக்க வாய்ப்புள்ளதால் இவைகளையும் சோதனை செய்யும் படி தமிழக தலைமை தேர்தல் அலுவலர் பிரவின் குமார் அனைத்து மாவட்ட தேர்தல் அதிகாரிகளுக்கும் உத்தரவிட்டுள்ளார்.